霸嗎拉麵 (已結業)

星期日见同老公得闲落街二人世界食拉面。中午呢两点几唔算多人好快就有位入去啦，一入去饮番杯冰水先出边天气热辣辣。我哋叫咗两碗拉面一份饺子，落单好方便自己画好之后交俾店员就可以啦。我哋叫咗一个浓厚猪骨豚肉玉子拉面，拉面我哋拣咗硬面，温泉蛋做得好好入边仲有少少流心，豚肉好林， 汤底同个名一样好浓郁。辛辣炙烧豚肉拉面我好钟意食辣，但又唔系食得好辣，叫咗个小辣对我来讲就啱啱好啦。带有辣味既汤底，更加吸引。羽根烧饺子见到个饺子送上枱真系劲吸引，佢整得超靓，连着一大块脆脆。下次再嚟真系想试吓佢个期间限定嘅龙虾拉面。