Ocio (東港城) (已結業)

朱古力咖啡嘅朱古力味浓郁，咖啡味唔系好重，朱古力味比较重，甜味多过咖啡苦味。白桃梳打嘅白桃味好香甜，好适合夏天饮。铁板bbq猪肋骨配焗新薯杂菜好食，猪肋骨肉质鲜嫩而且份量充足，bbq酱汁香甜，焗新薯杂菜尤其系西兰花几好食，冇菜涩味。明太子吉列虎虾海鲜忌廉汁手工意粉，虎虾肉质爽口，明太子酱汁香浓同个海鲜忌廉汁几夹，好香同埋几浓味，手工意粉几烟韧同埋有少少厚度。水牛城单骨鸡翼，鸡翼肉质鲜嫩，水牛城酱汁有少少辣但唔系特辣，味道不错。餐厅位置寛敞，环境舒适，服务态度好，值得推荐。