薈亞廚房 (已結業)

想叫外卖但又唔舍得比运费，但又唔想煮。挣扎咗一阵都系决定落街买嘢食。系商场行咗一圈决定都系食泰国嘢。睇Menu 发觉好多嘢都想食，于是即时约朋友过嚟一齐食，点知朋友又肯出嚟，咁我地就一齐食下嘢吹下水，一个人系屋企都真系几闷下。呢间餐厅唔系净得泰国嘢食，而系包括好多东南亚嘅嘢食。我地两个人明知食唔到咁多但都叫咗好多嘢，剩低嘅可以打包攞返屋企食都唔错。椰子煲鸡汤：汤底好清甜，唔会觉得油腻。香芒大明虾米纸卷：米纸卷越南嘢，芒果香甜配上大虾嘅鲜甜，再加上青菜，米纸卷食落好清新。香茅烧厚切黑毛猪：呢个真系食过难忘，黑毛猪肉质丰富，配上香茅味道，更显鲜味。马来杂菜炸豆腐炒面：炒面味道都唔错，我地两个都食到好饱，就一人分啲攞返屋企食啦。