影片
更多
2020-10-26
194 浏览
出咗将军澳海旁踩单车，记得呢度有间cafe野食都唔错，所以再次惩罚一吓店舖。一去到已经成两点半钟，但依然咁多人。店舖规定要喺出边有阳光猛烈嘅太阳下等待，训练你嘅耐力。呢个时间排队都要排成粒钟，呢间野的确唔简单。餐厅位于将军澳海边，附近仲有几间餐厅。装修以简约同用木嘅风格为主，好有文青气息。呢度本身有个gym room，但因疫情关系，暂时关闭。座位比较细，都唔算系大问题。但我觉得枱与枱之间可以隔得更开，尤其系宜家呢个时期。野食方面一间cafe应有嘅野呢度都有D，并有提供素食料理。含有高蛋白质食物嘅菜式，餐牌都有特别图示。啱晒注重饮食嘅人。呢度并主打自家制蛋榚，黎到当然要试返旧。🍴Latte 朋友话几好味，我就冇试到。🍴抹茶绿茶玄米茶呢个茶个名好直接，够清晰！闻落就觉得玄米味比较突出。饮落味道遍淡，冇乜抹茶味。但胜在份量多，一壶可以有四五杯。🍴是拉差辣椒酱鸡胸肉沙律$88初头以为呢道菜会几辣吓，但完全唔系。鸡胸肉完全唔辣！肉质就有少少柴，唔够嫩滑。鸡胸肉上面就有一个好靓，流心程度又啱啱好嘅水波蛋，同一块薄脆面包。沙津菜就已经调味，食落有少少辣。可能个沙津酱系用咗凯撒沙拉酱mix咗D是拉差辣
餐厅位于将军澳海边，附近仲有几间餐厅。装修以简约同用木嘅风格为主，好有文青气息。呢度本身有个gym room，但因疫情关系，暂时关闭。座位比较细，都唔算系大问题。但我觉得枱与枱之间可以隔得更开，尤其系宜家呢个时期。
野食方面一间cafe应有嘅野呢度都有D，并有提供素食料理。含有高蛋白质食物嘅菜式，餐牌都有特别图示。啱晒注重饮食嘅人。呢度并主打自家制蛋榚，黎到当然要试返旧。
🍴Latte
朋友话几好味，我就冇试到。
Latte
12 浏览
0 赞好
0 留言
🍴抹茶绿茶玄米茶
呢个茶个名好直接，够清晰！闻落就觉得玄米味比较突出。饮落味道遍淡，冇乜抹茶味。但胜在份量多，一壶可以有四五杯。
抹茶绿茶玄米茶
15 浏览
0 赞好
0 留言
🍴是拉差辣椒酱鸡胸肉沙律$88
初头以为呢道菜会几辣吓，但完全唔系。鸡胸肉完全唔辣！肉质就有少少柴，唔够嫩滑。鸡胸肉上面就有一个好靓，流心程度又啱啱好嘅水波蛋，同一块薄脆面包。沙津菜就已经调味，食落有少少辣。可能个沙津酱系用咗凯撒沙拉酱mix咗D是拉差辣椒酱。（纯属个人猜测）沙律入面仲有d鹰嘴豆、藜麦、松子黎增添口感。
是拉差辣椒酱鸡胸肉沙律
23 浏览
0 赞好
0 留言
🍴威士忌木桶烟熏鲑鱼忌廉芝士酸种面包$98
呢个包个名好鬼长，嗌野都有一定嘅难度。三文鱼入口充满咗脂香感。要配上搽咗Cream cheese嘅酸种面包，减少入口嘅油脂感。Cream cheese 酸酸地 ，几开胃。上面又一样有个水波蛋。再有啲甜甜地嘅洋蒽同炸莲藕片画龙点精。唯一缺点就系酸种面包条边有少少韧，比较难切。
威士忌木桶烟熏鲑鱼忌廉芝士酸种面包
19 浏览
0 赞好
0 留言
🍴伯爵茶威风蛋糕$52
威风蛋糕有三种口味，分别系佰爵茶、黑芝麻同柚子味。我就叫咗伯爵茶味。蛋糕非常松软，口感棉密。细心食落就有一股淡淡嘅茶味。配上滑而唔济嘅cream，好食。
伯爵茶威风蛋糕
16 浏览
0 赞好
0 留言
价钱方面就总共$226。Weekdays时一个餐+$20就连杯咖啡或茶。人均消费$113。以lunch黎讲算偏贵，但毕竟呢度邻近将军澳海边，舖租好贵，所以价钱贵都正常啦。
总括而言，装修，服务同食物方面都有中上水平，会令人想回头。但要预定时间排队，正所谓想食好食嘅野就要付出代价。
张贴
