A Tavola Bar & Grill (已結業)

将军澳海旁除左可以行donki, 仲有好多餐厅都好吸引。见呢间环境好chill, 又有啤酒同cocktail, 就决定试下。餐厅有室外同室内座位，室外可以睇到海旁风景，仲系宠物友善，室内座位宽敞，一大班朋友都可以一齐坐。。Fish & Chips $198见到第一个反应系好大碟，有两条炸鱼，每条都成支叉咁长，薯条份量都好多。炸鱼个鱼肉好滑，用左啤酒炸浆，口感更脆更松化。他他酱好足料，同个鱼好夹。。Half & Half Pizza $198Pizza都系超大份！Half & half可以拣两只味，唔怕选择困难，拣左海鲜薄饼同四种芝士。海鲜有青口，鱿鱼，虾，鲑鱼等等。四种芝士嘅芝士味好浓好香。两款嘅芝士都可以拉丝，劲邪恶。pizza饼底好松软，唔会过干，外面烤到微微焦脆。中间仲有一兜酱，点完更浓味。。Oreo Smoothie见到有smoothie, 所以放弃左cocktail😂oreo味唔错，唔会太甜。