影片
更多
2023-10-27
37 浏览
去将军澳踩单车，经开呢间cafe，食个lunch先起程🚴🏻♀️Cafe位置近海宾长廊🌊好写意有brunch、意粉、饭、汉堡包，另外有lunch set (包餐汤、饮品半价)是日餐汤系薯仔汤，明显唔系罐头汤，不过味道偏淡同稀身▶️ 烤澳洲西兰花大啡菇水波蛋酸种多士 加烟三文鱼 Portobello and broccoli sourdough add- on smoked salmon ($108+ 25)Plating唔错面头一只水波蛋🥚切开流心，不过偏水汪汪，蛋黄唔系黏𠮶只，比较普通不过大啡菇好食，超级juicy爆汁💦烤澳洲西兰花长身🥦充满油光，咬落爽脆新鲜，似芥兰同西兰花混合体酸种多士微微烘过🍞外围香脆，入面唔算烟韧，但系胜在唔会被蛋黄汁同大啡菇汁浸淋湿 (酸种多士同一般白方包分别)上面中搽咗一层牛油果蓉，牛油果好软熟🥑食落咸咸地旁边有茄子蓉，好少见，味道「辣辣」地，个人觉得有啲奇怪🙈唔太钟意上面有几粒车厘茄伴紫洋葱，可以当沙律食另加嘅烟三文鱼有两大片，有三文鱼油香味之余够咸，配埋落去食即刻upgrade咗▶️ 松叶蟹肉软壳蟹饭 Deep fried soft shell crab
Cafe位置近海宾长廊🌊好写意
有brunch、意粉、饭、汉堡包，另外有lunch set (包餐汤、饮品半价)
是日餐汤系薯仔汤，明显唔系罐头汤，不过味道偏淡同稀身
▶️ 烤澳洲西兰花大啡菇水波蛋酸种多士 加烟三文鱼 Portobello and broccoli sourdough add- on smoked salmon ($108+ 25)
Plating唔错
面头一只水波蛋🥚切开流心，不过偏水汪汪，蛋黄唔系黏𠮶只，比较普通
不过大啡菇好食，超级juicy爆汁💦
烤澳洲西兰花长身🥦充满油光，咬落爽脆新鲜，似芥兰同西兰花混合体
酸种多士微微烘过🍞外围香脆，入面唔算烟韧，但系胜在唔会被蛋黄汁同大啡菇汁浸淋湿 (酸种多士同一般白方包分别)
上面中搽咗一层牛油果蓉，牛油果好软熟🥑食落咸咸地
旁边有茄子蓉，好少见，味道「辣辣」地，个人觉得有啲奇怪🙈唔太钟意
上面有几粒车厘茄伴紫洋葱，可以当沙律食
另加嘅烟三文鱼有两大片，有三文鱼油香味之余够咸，配埋落去食即刻upgrade咗
烤澳洲西兰花大啡菇水波蛋酸种多士
$108
11 浏览
0 赞好
0 留言
▶️ 松叶蟹肉软壳蟹饭 Deep fried soft shell crab on rice ($138)
大大只炸软壳蟹好吸引🦀
本身以为个饭好plain，点知原来几多料：大量松叶蟹肉、一只流心蛋、蟹籽粒、青瓜、青葱，更以沙律酱作酱料
松叶蟹肉软壳蟹饭
18 浏览
0 赞好
0 留言
将成个饭捞匀嚟食变咗炒饭😆朋友仲另外加咗两只炒蛋 (+$18)
籽粒同青瓜令饭嘅口感丰富，流心蛋令配料黏住每粒饭粒
呢度嘅炒蛋加入咗牛奶同牛油，特别香滑
炸软壳蟹非常酥脆唔油腻，炸皮唔厚，咬落唔会刮口👍🏻
成个饭嘅感觉系西式化咗同暖版嘅日式寿司饭，系好食嘅
难怪系热门菜，差唔多枱枱都叫
▶️ Apple and hibiscus tea ($42)
红卜卜咁，啱晒Halloween
第一啖最出系苹果味🍎饮下饮下会品尝到洛神花香味
两者浓味而好夹，反而冇乜茶味
只系加咗少少代糖，所以似一个唔甜嘅苹果汁🧃
冻饮几清凉
▶️ Piccolo latte ($23)
跟餐叫有半价优惠
呢度可以免费转燕麦奶🌿
黎到有靓靓心形拉花，适合打卡
用上燕麦奶，甜度较低，奶味冇咁重，突显返咖啡原本味道 (同Americano差唔多)，咖啡香浓，平衡于苦涩同酸之间
-
整体食物唔错👍🏻全部配料足，调味香料讲究
内在环境更加加分😍舖头空旷有空间感
吧枱高凳位隔住玻璃可以望到人踩单车同散步，仲好user-friendly，设有叉电位，适合嚟温书用电脑👩🏻💻
(繁忙时间用餐为90分钟)
呢度个音乐playlist都好正🎼
服务又好，有礼貌同俾人感觉专业
上菜都好快手，10分钟之内上齐饮品主食
性价比唔错，设有加一，大概180/人，食环境气氛值得
估唔到平日晏昼都坐满晒人，周末一定好旺场
张贴
