大灰熊廚房 (裝修中)

大灰熊厨房🔺 https://s.openrice.com/QrbS0Pp0B00~uO7p6Aw🔺将军澳唐贤街23号帝景湾商场1楼34-35号舖🔺Tel: 6777 1628今日嚟到将军澳揾朋友，我想食啲中式嘢不过海边大部份都系西餐或者亚洲嘢，几经辛苦终于喺帝景湾商场一楼揾到间中餐小菜（可以睇返我张相 ）。 餐厅提供大众化嘅中菜，而且有好多选择，我同朋友就拣咗两位用嘅「优惠家庭餐」💰$188。两款小菜，一款汤，白饭两碗，饮品两杯，呢个价钱喺将军澳海边都算系好优惠。 饭𩠌未到，先加个合桃酥开下胃，大大粒又脆口。 🐮西湖牛肉羹好足料，啲牛肉好嫩滑，符合佢大灰熊滋补汤嘅称号。除咗滋补汤，亦可以每位加$15转炖汤。 🐷拔丝咕噜肉卖相精美，分量十足，咕噜肉唔会硬梆梆，酸甜味刚刚好，不愧系推介菜式。 🐮咖喱牛腩喺呢度终于食到有少少辣味嘅黄咖喱啦！净系啲汁都可以食碗白饭，正。啲牛腩一样够晒大，唔会话平就细细碟。环境阔落，店员殷勤有礼，迟啲有机会试吓佢嘅大灰熊私房菜先，6位起就可以成行。