四點金飯店

营业中

休息中

今晚同妈咪食饭，好耐无打冷，谂起四点金，上open rice 可以订枱，book 左6点。疫情关系，全部4人一枱，坐得好宽敞，好舒服。我地叫左三𩠌一汤308蚊套餐，加一个糖醋面，椒盐白饭鱼同韮菜猪红，套餐有好多选择，既然想打冷，当然选择打冷野：胡椒猪肚汤，海鲜类拣冻食乌头鱼，两𩠌拣左蚝饼同潮式卤水拼盘。碟碟都足份量，我地4个大人都食唔哂。美中不足嘅系：原本套餐送佢地推介蛋散，但今晚无，只系送左绿豆粥，有啲失望，但绿豆粥都okay，唔太死甜，豆量足。整个晚餐妈咪老人家食得开心，价钱合理，都值得推介嘅。