和大人

营业中

休息中

晚上到海旁散步，行行发现呢一家港式甜品小店。夜晚七点几，所以都唔多人，唔使等就有位。一向比刨冰，更爱雪花冰。甜品到类似雪花冰但叫做绵绵冰嘅甜品，立即点咗个益力多味佢哋推介嘅嚟试吓。上到枱，连隔篱位嘅女士都即刻话「哗你哋个甜品好靓㖞」最搞笑嘅系佢同收银嘅店员好诚实直接咁讲，「你哋甜品嘅卖相，比起喺餐牌上面𠮶张相靓好多，系咪要考虑改善吓你哋个餐牌呢？ 」🤣益力多绵绵冰嘅味道真系唔错，但系耍咗喺上面彩色好靓，𠮶啲装饰脆脆同果粒粉红色棉花糖就不敢恭维了，只系好睇唔好食，真系想叫佢不如悭返唔使加俾我啦。🤣另外再叫做多仙草加花奶加芋圆加红豆加朱古力雪糕。仙草底$16 ，芋圆同红豆各加$5 ，花奶就加多$3。最贵系旧朱古力雪糕要加$10。如果唔使加旧雪糕， $29仲有呢碗仙草红豆芋圆咖啡椰汁！其实都几抵食吓，味道都唔错。下次行过会再嚟试。