德美壽司 (新都城中心1期) (已結業)

对将军澳并不太熟悉，而呢间『德美寿司』系早排到『宝康公园』观花时发现嘅，今日约咗宝琳嘅朋友就来帮衬了。『活鳗鱼朴叶饭定食』配有沙律，味噌汤，沙律中竟然发现有一粒几大粒带子，有些少惊喜，和朋友讨论是真嘢或人造都没有定论，想问店员又惊骚扰到人，都系下次再来试真啲。鳗鱼好厚肉肥美，亦都好大件，以108嘅价钱可以话系超值，咁好味是否因『活鳗鱼』之故呢?『天妇罗乌冬』天妇罗有大虾一只，仲有菇，茄子，南瓜，蕃薯，虾真系大只，粉又唔多，食得到鲜甜味而且好弹牙，而乌冬亦好高质，有质感。『北寄贝寿司』是今晚唯一的寿司，的的色色，北寄贝依然系我钟意的味道。而呢餐最后的惊喜系有甜品送。