District 8 (藍塘傲) (已結業)

今日黎到将军澳揾朋友，朋友带左我黎呢间District 8食饭，呢度食午餐都够晒舒服。午餐有前菜有主食，够晒饱呀。前菜KING SALMON TARTARE(+$20)呢个系帝王三文鱼他他，有啲似牛肉他他，加埋刁草，辣根，捞埋一齐整做一个大饼咁，食到三文鱼嘅鲜甜，叼草嘅香，辣根嘅微辣，味道好有层次，口感都好丰富，再加埋香辣脆饼，脆脆地辣辣地，好好味。前菜ROAST BEEF AND POTATO SALAD依个前菜其实可以当主食禁食，因为都算大份，系烤牛肉薯仔沙律，唔会因为系沙律就好细份，牛肉都几大嚿，而且好软腍，薯仔整到好似薯片咁，一块块薄脆好惹味，再加埋雪梨酒汁同埋油封蕃茄，好丰富。主菜PASTA ALL’AMATRICIANA(+$15)呢个系蕃茄意大利面，有烟熏猪面颊，猪面颊好腍好香，煎晒啲油香出黎，加上自家制蕃茄酱汁，成个意粉都食到香浓既蕃茄味，又有罗勒，好鲜好香。主菜BRAISED PORK BELLY(+$30)呢个系炖猪腩肉，猪手小丸子，芹菜头，苹果迷迭香酱汁，猪腩肉因为系炖嘅所以更加林身，啲猪手丸子系炸嘅，好香脆，芹菜头都好特别，加埋苹果迷迭香酱汁，甜甜酸酸好好食。