93친구식당 (親古食堂)

营业中

休息中

之前食过泡菜炒饭，觉得炒得几好食，所以就再外卖一次 (铺面比较细，有一张枱仔俾客人坐，但主要做外卖生意)，而今次就试下其他新野。首先，铺头系即叫即整，睇到佢哋嘅用心，所以要预返咁上下既时间等，期间又见到佢都有唔少外卖单，所以我地都等左廿分钟多啲 (佢讲定左俾我地听，大概廿分钟，我地都有入返商场行吓消磨时间)。鲷鱼烧 (吉士味+红豆味) ($20/2个) 鲷鱼烧甜度适中，周边都脆脆地暖暖地，$10平平地又得意有鲷鱼样🐟，都岩小朋友拎起手食，不过睇落黑左啲同埋条鱼比较奀，唔太多馅同埋细左啲 🤣🙈吞拿鱼沙律饭卷 ($48)吞拿鱼沙律呢个酱都几多，包住生菜、鸡蛋同青瓜，有种淡淡然既清新味道，唔会太浓味，但又唔会太惊艳，因为味道较单一。反而，我见芝士牛肉同明太子蟹肉多人叫，我都会想下次试下。韩式‧无骨炸鸡 (蜜糖味) 半份 ($40)炸鸡small size虽然得四件，不过都大件同埋咬落都好脆同埋有肉👍🏻 随鸡仲附有炸薯条，薯条系好似港式小食店卖既粗炸薯条，唔错。不过留意返，佢个蜜糖酱系另上。有好有唔好，好既系你可以自己调较甜度，想沾几多就几好；但唔好既就未必好入味，想浓味啲就沾多