豐味石磨腸粉 (已結業)

同事推介午餐粥品新选择，由于某同事病病地想食粥，今日就有其他同事话富康有间石磨肠粉有粥食，结果就去试新嘢。细细的档仔，有生滚粥、石磨肠粉、是日例粥。我要左碗皮蛋瘦肉粥、猪润肠粉。粥底好正，唔似加左米浆/其他腐竹之类，似屋企煮的，而且肉类无味精，清清淡淡，系真正粥，唔系味精水。肠粉好薄，而且啲𩠌都唔少，盒肠粉虽然要$21，但绝对抵食，真系即拉，亦无落油令佢滑啲，已经够晒滑。同事要左蛋肠粉，好奇问一下佢好唔好食，因为未听过有肠粉加蛋，同事话几新奇又好食，下次可以试试。