砂煲兄弟 (東港城) (已結業)

今日去接朋友放工， 三个人去到将军澳， 下午茶时间梗系要揾嘢食， 入到东港城原本想食茶木之类嘅，可惜朋友唔太喜爱，话想食番啲港式食物，去到一间好似几有特色嘅铺头。估唔到舖头都有bb凳，细细张，用起黎都几方便。马来沙爹火焰牛仔骨， 牛仔骨数量比预期多，最重要配合新鲜菠萝，适量嘅三色椒成碟𩠌视觉效果已经系靓咗，至于味道方面，沙嗲味偏重，如果重口味人士未必适合， 但系对于我同朋友嚟讲就系一个唔错嘅选择，沙爹汁挂晒喺每旧牛仔骨上面， 味道一流 。竹笙杞子浸时蔬， 煲仔咁上， 味道清淡， 素食人士都可以选择， 另外有惊喜嘅， 冇谂过铺头唔吝啬竹笙， 食咗件数不少。主食方面我哋就叫咗 抹茶樱花虾鳗鱼煲仔饭 茶味十足嘅煲仔饭真系未试过煲仔饭粒粒分明 食到最后成个煲底都系脆卜卜嘅饭焦 唯一可惜嘅就系鳗鱼偏细。 下次再嚟食过。