泰Grill (天晉匯)

又有朋友新居入伙 所以过咗嚟佢屋企附近食晚餐 嚟咗呢间泰国嘢😝 呢间泰国餐厅嘅舖面唔算好大 平日夜晚几乎坐满呀🫢泰式小食拼盘呢个拼盘有炸虾饼 泰式春卷 蜜糖鸡中翼🐥 炸虾饼嘅虾肉几弹牙 春卷脆卜卜 点泰式酸辣酱几好味 鸡翼就大只有肉汁☺️肉碎生菜包 (配蒜蓉包)肉碎有紫洋葱 蒜蓉同辣椒一齐煮 所以就咁食就有啲酸酸辣辣🌶️ 包埋生菜咁食就啱啱好 几清新 蒜蓉包好香牛油味 几松脆 配肉碎食都唔错🍞虎虾炒金边粉金边粉嘅份量都唔少 味道酸酸辣辣咁 炒得唔会太干或者太湿 口感唔错 虎虾炸到卜卜脆 连壳都食到呀🦐 鸡肉串呢个嘅精髓喺个酱度 沙嗲酱几有花生味 配鸡肉食好夹 鸡肉好嫩滑 如果多朋友食仲可以嗌半打😝呢间街坊餐厅都好多人帮衬㗎 除咗堂食之外 见到好多人嚟拎外卖 我哋食完都觉得啲野食系值得支持嘅👏🏼 想下次再帮衬