RISE Kitchen (已結業)

今晚黎到将军澳食晚餐，因为唔太肚饿，所以剩系叫左黑松露忌廉汁烟鸭胸意粉同All Day Breakfast。另外再叫左两杯野饮。一杯系法式焦糖炖蛋泡沫咖啡，另一杯系百利甜酒朱古力。黑松露忌廉汁烟鸭胸意粉唔错，有浓浓既黑松露味，忌廉汁同意粉同捞得几均匀，烟鸭胸又唔会整到好咸。All Day Breakfast有太阳蛋、鸡肉肠、芝士肠、烟肉、炒野菌、粟米、沙律，好丰富，而且摆盘又靓，赏心悦目。法式焦糖炖蛋泡沫咖啡好好饮，咖啡香滑又有甜味，表面有层脆脆既焦糖，口感好夹。百利甜酒朱古力第一次饮有酒味既朱古力，好彩系甜酒，所以唔会好冲突，几特别。