台北車站 (已結業)

有个好耐无见嘅朋友，约左入将军澳区食饭。 佢带咗我去一间台湾餐厅食。 餐厅用台湾车厢设计, 有个好吸眼球用霓虹灯管整成嘅台湾火车Logo招牌，以呼应「台北车站」的店名。落单时，店员亦服务非常周到。最近大家比较注重健康，点咗个古早味嘅黄酒醉鸡汤 ，仲可拣了一样小菜食，包两碗白饭同两款饮品。 真系超丰富！古早味嘅黄酒醉鸡汤饮落个鸡汤唔会觉得好肥腻，非常浓烈嘅黄酒香味，仲有好浓烈嘅鸡汤味道。睇汤嘅色水已知落足料，无点沟水。除咗主角鸡在入面之外，仲有龙眼、云耳、红枣、杞子、沙参、黄芪及姜粒。碗汤真系超大碗，两个女仔食有点吃不消。招牌小炒王 韭菜、果仁、虾米、红椒炒成嘅传统香港小炒王，好友镬气。之前听妈妈讲过话小炒王既由来，其实系使用餐厅剩低嘅厨余来制作。亦都系一道非常怀旧嘅菜式估唔到今日喺台湾餐厅又会遇到。冷泡茉香绿茶 好香浓嘅绿茶香味，仲有阵阵嘅茉莉花香。用来去除刚食完小炒王嘅油腻感觉。草莓珍珠奶茶珍珠唔太差，奶茶味几香，再加埋超粉红色的草莓汁，好吸引。最紧要系够大杯。