Route 99 (已結業)

将军澳最近开咗一间宠物友善餐厅Route 99。餐厅主要分左两大区域，包括宠物区同非宠物区。我同女友今日无带宠物，所以坐系非宠物区。入面第一感觉就系美式复古快餐店，无论装潢同家俱颜色都非常鲜明，加上黑白色地砖，完全同陈芳语歌曲”4AM CALLS”嘅MV场景一模一样😍至于宠物区就阔落得多，而且有好多打卡位，包括电单车、秋千、门口既电话亭🥰环境方面绝对100分！我讲返食物先！Dinner总共有五个套餐，包括烤鸡、牛扒、意粉、汉堡同全日早餐。套餐附送沙律同南瓜汤。- Texas Burger 🍔 手打汉堡牛肉好juicy，另外仲有烟肉、芝士炒洋葱、沙律菜同蕃茄😝。面包烘过几脆口。side dish系幼薯条，份量多，食落够脆兼唔油腻。- All-Day Breakfast 全日早餐包括煎蛋、薯饼、窝夫、烟肉同香肠。香肠同烟肉好香脆，薯饼系经典美式𠮶款，即系薯仔切丝再煎，口感比起M记𠮶款更丰富🤩。另外煎蛋有三只，卖相好似三眼仔几得意。不过窝夫略嫌有啲稔🤔- 士多啤梨奶昔味道清新，酸酸地唔算太甜。最底部有好多果肉，可谓真材实料👍🏻整体而言，环境真系好正，食物亦唔错。餐厅仲有提供一站式宠物美容服务