泰Grill (天晉匯)

泰Grill今次推介喺将军澳天晋汇入面有一间泰国餐厅叫「泰Grill」，如果轮椅人士想入去帮衬呢间小店最方便就系入天晋汇商场个入口入去餐厅，因为向街嘅门口有一级，而且比较迫，天气无咁热坐喺户外都几唔错！1.冬阴功汤金边粉（鸡肉）$58+冻柠檬茶$5+炸虾饼$38+椰汁糕$18(9.5/10)呢碗冬阴功汤金边粉拣咗鸡肉，鸡肉唔鞋嫩滑，金边粉爽滑挂汁，冬阴功汤酸酸辣辣好惹味，整碗份量都好多！冻柠檬茶：味道正常，入面有半旧青柠！小食加咗$38有炸虾饼4旧，每一旧都炸得好香脆，入面虾胶劲多劲弹牙！甜品就加咗$18有椰汁糕8旧，每一旧椰汁味都劲香，甜度啱啱好！2.生牛肉船面$62+粒粒菠萝梳打$15+春卷$18（9/10）呢碗生牛肉船面份量超多，牛肉嫩滑唔韧，大约都有5大片，汤底有少少似卤水汁味，船面份量足够两人食，cp值好高！春卷：呢个系素春卷，新卷炸得好香脆！粒粒菠萝梳打：呢个菠萝梳打入面真系有粒粒菠萝，一共有四粒菠萝，咬落好甜再夹埋梳打饮完好醒神，解渴一流！3.泰式酸辣鱿鱼$148（9/10）呢碟泰式酸辣鱿鱼食落酸酸辣辣，鱿鱼大约有20嚿，份量都算几多，咬落鱿鱼爽口弹牙，仲有带少少椰奶香！