Burger's Friend Forever (MONTEREY Place) (已結業)

将军澳海滨开左咁多新餐厅，呢间burger我都bookmark左好耐架喇！店舖细小但坐得舒服，完全唔迫🥰必食店舖推介嘅至尊汉堡！入面有蛋，烟肉，番茄，芝士等配料，仲有两大块厚切牛肉，非常足料！食物一到，见到两块牛肉嘅汁慢慢渗出黎，睇到都流哂口水🤤 个包超大个，两只手都拎唔哂！第一啖咬落去就食到牛肉同蛋嘅汁，之后烟肉嘅味道就会慢慢出黎🥓 炒熟左嘅洋葱都非常入味！仲有芝士溶左落牛肉度，真系好邪恶😈 渔夫之宝都好唔错！见到个名几得意就俾佢吸引左🐟 鱼柳厚身大块！鱼肉炸得好香，外脆内软，新鲜嫩滑😚 burger酱都好多😂 另外值得赞嘅就系薯条！我地加左个combo有薯条同饮品！薯条大大条，上面撒左调味粉所以好好味！不过成个set真系好大份，叫一份半两个人share都已经好饱🙆🏻‍♀️