御名園 (已結業)

前几日同屋企人去左呢间将军澳嘅酒楼食饭，估唔到原来呢到嘅食物质素都几高。浓汤花胶猪肚鸡煲 $168呢个煲相当有惊喜，鸡汤饮落味道浓郁，入口香滑，鸡味浓得黎又有胡椒香气，我地成煲汤饮晒。鸡件有好多，大部分都系鸡腿肉，所以好滑嫩，仲有大量猪肚同埋花胶。成个煲好足料好高质。将军澳晚市组合C $348呢个晚市组合有三个菜式都几抵食。黑松茸酱爆虾球虾球大只弹牙，配上黑松露味，仲有啲爽脆嘅翠玉瓜同菇类，好食。姜葱窝烧海斑件姜葱爆香过嘅海斑件好惹味，用黎送饭一流。鱼肉滑嫩，不过要小心细骨。即烧脆皮文昌鸡（半只）鸡皮烧得好香脆好好食，鸡肉滑嫩，有浓浓嘅鲜味，点埋咸咸甜甜嘅酱汁好好食。