台北車站 (已結業)

新都城开咗新食店, 今日就去「台北车站」 , 除咗台式料理, 仲有小炒、鸡煲、酸菜鱼食！餐厅地方几宽敞, 店内挂有火车相片, 簇新的装修感觉精神！麻辣鸡煲点咗小辣半只鸡, 辣中带麻, 惹味不抢口。用火锅炉即场炒, 香喷喷热辣辣, 鸡件肉厚嫩滑, 脂肪少啖啖肉, 酱汁调得入味, 令人愈食愈想食！芝士黄金虾虾壳炸得香口松脆, 肉质爽口弹牙！外层蘸满芝士和咸蛋黄, 味道浓郁散发阵阵咸香, 做佐酒小食一流！香芋珍珠奶茶芋头味道突出, 口感幼滑, 茶底醇厚好有台湾味道！冷泡乌龙茶乌龙茶带独特幽香, 减油去腻, 冰凉解渴, 无糖份啱晒我！