影片
更多
2021-07-24
319 浏览
之前食过任食火锅好正，今次就试埋晚饭小菜，四个大男人六点去到攞位入座，睇完餐牌我哋就叫咗个晚饭$398有：美极煎海虾、烧腩仔、龙趸两味(蒜子果皮蒸头腩&油泡龙趸球)、芋头扣肉煲$98、沙姜猪手$68另外再用$1加咗个晚市堂食优惠(至尊烧鹅皇)，跟住食物好快陆续上枱，先嚟个烧鹅皇，皮脆肉嫩好食，仲带有好香浓嘅鹅香，个芋头扣肉煲好食份量亦好足，每一块扣肉同芋头都好大块厚肉炆得又够淋，唔似出面啲酒楼咁又薄又细块，我地忍唔住要即刻每人叫返碗白饭嚟𩠌tim，另外嘅菜式同样出色，龙趸两味个蒸头腩蒸得啱啱好唔会过火，鱼肉嫩滑好有骨胶原，油泡龙趸球一样整得啱啱好唔会话油冧冧，鱼块又厚肉又嫩滑， 啖啖肉送酒一流，呢个龙趸两味嘅煮法完全突显倒厨房师傅嘅功力，其他小菜亦有唔错嘅水准，食到最后仲有糖水(红豆沙)送，呢间《半岛渔港》无论服务同埋食物质素都好高质，唔怪得连平日嘅晚饭时段都坐无虚席la
张贴
