麥當勞

营业中

休息中

将军又返黎啦，咁都如常要食一次回味下嘅，叫左个二人前套餐，再加埋新出个绿茶豆乳批 ，左加右加大概呢餐要100蚊左右啦。个将军汉堡都一如既往咁啲酱漏晒出黎，加左玉子个包都仲系好薄身，越黎越细个。另一个系双重将军玉子，多一块肉感觉都差不多。原来朋友无食过将军汉堡，佢一心以为系牛肉，点知咬落黎软淋淋嘅猪柳肉，佢话猪柳汉堡仲好食啲啦咁，又平啲。至于个绿茶批，我就觉得几好食，绿茶味浓豆乳唔太甜，个皮仲几脆添，不过朋友话佢宁愿食苹果批因为平一蚊……然后杯中汽水又细杯左，个批又幼身左，朋友话老麦唔抵食，我自己就觉得ok啦，几十蚊仲想点。