雞翼山 (T.O.P This is Our Place)

营业中

休息中

一直都好想试鸡翼山，不过每次都揾唔到人陪我食，今日终于揾到2个partner。呢度主要系做外卖，不过都有少量位置可以堂食。一直都知道鸡翼山有好多唔同口味嘅鸡翼可供选择，原来佢仲有套餐供应。我同朋友就买咗两份餐开心share。不要仪态一人餐总共有三款，我哋就拣咗B餐嘅温泉蛋洋葱鸡翼丼、甜芥辣鸡软骨、唐扬虾。呢款系配以慢煮嘅鸡翼，所以肉质特别嫩滑，鸡软骨同唐扬虾同样香口，温泉蛋同洋葱捞饭真系冇得弹。另外当然要食返个鸡翼餐，我哋拣咗三款口味各四只，其实可以拣鸡锤，不过我哋就钟意食鸡翼多啲。韩风吉士咸蛋酱鸡翼嘅精髓就系吉士咸蛋酱，炸香嘅鸡翼搽上冻冻嘅吉士咸蛋酱，味道又出奇地夹。浓口樱花虾虾酱鸡翼充满虾酱嘅咸香，上面再洒上樱花虾，又系一个惹味嘅口味。文青风玫瑰鸡翼就最惊喜，玫瑰糖浆包住整只鸡翼，咸咸甜甜嘅味道就好似BBQ嘅烧鸡翼咁好食。鸡翼山果然系将鸡翼整得出神入化，下次要试多几款口味。