頹飯 (已結業)

铺名叫颓饭，其实系想带出，颓饭都可以煮得好食，唔系普通货。中环C出口，行3-5mins左右就到。铺面虽小，但可以清楚见到厨师煮野食，所以透明度高。下午茶时间有tea set，亦可以叫番全日餐，食饭/意粉。叫左香煎去骨鸡脾意粉($43)，冻柠茶(加$4)。去骨鸡脾肉即叫即煎，所以见到厨师煎煮既过程。厨师贴心切好鸡脾肉做一件件，方便外卖个阵食。一打开饭盒，有5大件厚切鸡脾肉，肉质嫩，而且煎完仲带脆，加上用黑椒腌过鸡脾肉，所以香喷喷，仲热辣辣。可以拣意粉/饭，意粉量多，够男仔食。煮完唔会太软身，即使已经淋上酱汁，但意粉都冇变"林"，good。酱汁可以拣茄汁/黑椒/白汁，茄汁浓郁，仲有蕃茄肉。配菜有6粒以上既车厘茄，粟米，比起去其他餐厅冇菜食，尼间餐厅贴心好多，有配菜感觉上健康d。冻热饮品跟餐加$4，红茶底浓厚，唔会有苦涩味，而且柠檬片有成6厚块，几乎半个柠檬，非常足料。整体，餐厅主力鸡脾肉，牛肉，贵精不贵多，务求煮得好食。不过其实猪，鸡，牛，鱼，都有，所以点都有1款系岩食。虽然只系做外卖生意，但速度快。赞。而且下午茶餐都有西多士/鸡脾肉包，唔想食太多饭/意粉，叫包类食物都唔错。