CHEF'š LABS @Freshlane

营业中

休息中

情人节🌷都要返工，放又放得晏，庆祝都系买外卖返屋企食。千挑万选左呢间西餐外卖，早45分钟whatsapp 落单，放工去拎就刚刚好。去到拎既时候，原来呢度净系做外卖，咁样可以节省成本，价钱💰就平啲啦。吞拿鱼柑橘🍊沙律，柑橘好清甜、沙律菜🥗新鲜，吞拿鱼轻轻整熟左小小，囗感唔错，沙律汁酸甜，越食越开胃。西班牙辣肉肠炒蚬，炒得香口惹味，蚬既份量都唔少。牛油梨🥑慢煮鸡胸🐔烤饼，慢煮鸡胸肉质嫩，用上creamy又 健康既牛油果，真系食得好味又放心。牛油果🥑睡蟹🦀意大利饭，又系用我钟意既牛油果，每粒饭烟烟韧韧、creamy 同蟹味十足。好满意呢餐呀，系屋企💒都可以食到高级西餐既味道，四样野都系3百蚊松啲咋，抵食。