拉麵太郎 (已結業)

成日系咁食，食足成个农历年，想食返d 亚洲菜，但又唔想大鱼大肉又鸡咁样。行到湾仔度见到呢间拉面店静静地就去试试！ 本来朋友见无乜人都担心（果阵夜晚六点半左右）但坐低后，其实都好多人入黎食。 只不过系人地食得快走左啫。一入到去，店员就会拎水俾我地。虽然唔系茶。但全程佢地成日帮我地添加睇完餐牌，其实系无乜选择，有炸鸡，有牛，最重要既系叉烧。我地叫左叉烧拉面，基本上系配木耳，酸姜。有温泉蛋同无温泉蛋既选择。我地㨂左温泉蛋。呢度成只上无切开，唔好睇佢无乜色，咬开果阵系会食到淡淡既豉油味。同埋鸡蛋系轻轻咁流出黎。状态非常之好 ，叉烧半肥瘦，食落唔油腻，而且豉油味唔重我地再加左配料粟米同埋海带，成个拉面即刻丰富左！我地食食下仲见到，原来拉面系可以加底既。不过呢个份量我地两个都好足够。我地都有加小食，薯饼。 成旧都系薯蓉咁样。中间有小小磨菇。只系好小份量。食完饱晒。