牛魔 (已結業)

来一张烧肉大合照，准备开怀大吃一餐。香葱牛脷($85)，牛脷烧熟后充满油脂，口腔渗出浓厚既牛舌香味，咬落有Q弹口感。樱花虾粟米饺子($65)，饺子内既馅料有肉汁，而且放入粟米粒增加口感，配合左香味十足既樱花虾，饺子本身已经好够味，所以酱汁唔会太浓味，带微甜，整体感觉好夹。全天然豚肉五花腩($130)，免费跟一份生菜，五花腩order左厚切size，每片肉脂比例系8比2，由于冇用任何腌料去腌制，所以熟后可以加上店家自制韩式辣酱，再放上生菜包住一齐食，唔会太油腻。美国Prime牛肋骨($198)，肋骨有腌制过，所以本身已经入晒味，唔需要额外放任何调味，肉质软腍易咬。日式炒乌冬($65)，超足料既一份海鲜乌冬，每一啖都食到粒粒墨鱼肉或砚肉，炒得够惹味，而且乌冬唔会挂满好多油。巨峰梳打特饮($48) ＆ 凤梨梳打特饮($48)，食得太多肉始终都有d口渴，饮返杯冰冻特饮好解渴，我个人觉得凤梨味味道较出较好饮。