漁獲浜燒 (已結業)

去日本成日都会食烧海鲜，但系香港呢就好少食啦。上网揾过呢一间 评级都几好，于是就同老婆黎试下。汁煮烧喜之次， 第一次食用汁煮嘅喜之次， 虽然喜之次个样就比较核突，但系真系好好味㗎 ，煮完出嚟啲肉仲系好弹牙好有鱼味 而个酱汁亦都唔会抢走鱼嘅鲜味。帆立贝， 佢用咗两个方法呢烧，一个系用清酒，一个系牛油。清酒食落去就会清爽啲甜啲， 而牛油呢个味道浓郁啲，我个人就喜欢牛油多啲啦。黄贝， 爽甜弹牙，但对比起帆立贝， 由于帆立贝比较厚身，食落去啖啖肉，我个人觉得食帆立贝嘅口感会比较满足啲。寿司8件， 有海胆，三文鱼籽，油甘鱼，赤身，牡丹虾 同大帆立贝等等新鲜嘅寿司， 净系望个样就知好味啦。甜品我叫咗椰子雪糕，椰子雪糕椰子味好出而且唔会太甜，一直食落去都唔会有利嘅感觉， 亦都唔会话食到后面椰子味越嚟越淡 系一个可以keep 住食到尾嘅雪糕。最后我想讲见到佢做紧个promo系98蚊任饮清酒，我问过个侍应佢话系日至四先会早，有五款清酒可以任拣，但我𠮶日就冇试啦，呢个offer都几吸引，下次嚟嘅话我都会试下。