忘筌茶室

营业中

休息中

今日约咗朋友铜锣湾聚会，拣咗去忘荃茶室见面，一上到去发现个环境真系好宽敞好舒适，畀人一个好relax嘅感觉，而老板嘅热情招待及提供一啲品茶嘅专业意见亦都令我对品搽多咗啲了解 。因应老板推介我哋拣咗一款中国茶，特级白茶同埋一款日本茶，拣咗日本宇治抹茶，两款茶都会因应唔同嘅特质用唔同嘅器皿端上，亦都听咗老板嘅一啲品茶知识，例如啲茶要泡几耐饮，同埋系喺咩时候饮最啱。𠮶白茶我觉得非常清新可口，饮落去有淡淡清香，后有少少回甘嘅味道，日本抹茶就味道比较浓郁一啲，好有茶味，比一般饮品店嘅抹茶或绿茶简直有天渊之别。最后一题，因为呢度得四张大枱或梳化，绝对系可以同朋友聚会，或同工作伙伴倾嘢嘅好地方，因为地点又方便而又冇局促嘅感觉。