Jan Jan 串揚專門店 (尊豪坊) (已結業)

每次去大阪，都一定会食串炸🍡好记得第一次食嘅时候，仲觉得好惊讶，点解食炸物一啲油腻同热气嘅感觉都冇嘅😆早几日同朋友去咗尖沙咀嘅Jan Jan串扬专门店，嚟自大阪新世界嘅过江龙，香港仲系日本以外嘅第一间分店👍🏻佢哋应该好了解香港人对日本食物嘅需求🤣一入到去已经好有feel，装修好有地道日本串扬店嘅感觉🇯🇵同朋友一人拣咗一个套餐。一份系特选串扬套餐，安格斯特级肉眼牛味好浓郁，口感松软有弹性🐂柚子豚肉几清新，另外有一串海鲜系海胆汤叶卷，咁啱系我钟意嘅海胆😍呢款就唔洗再落酱汁调味已经好正，好新鲜。呢个餐会有两款蔬菜，香菇厚身外汁，而茄子都好大件，食落够香口又唔油🍆另一份就系特上串扬套餐，先讲下金时红薯，甜甜地配咸咸地嘅串扬酱汁，好夹，令到红薯嘅甜味更加突出。日本洋葱香气四溢🧅三文鱼嘅串扬真系第一次食，好味嘅但系我觉得串掦做法未必系好夹🐟而是日串扬厨师安排咗豚肉，有惊喜✨系半肥瘦嘅豚肉，有油脂香得嚟，口感又软稔🐷半熟玉子做得好好，流心程度系一流🥚店员有教加啲盐仲好食。套餐都有埋前菜/汤同两件饭团🍙够晒丰富。上菜时店员都会教路边款串扬配啲咩酱料，细心！