陳儀興牛什粉麵 (鴻祥大廈)

营业中

休息中

放半天假出咗旺角逛逛，好耐冇食过牛什粉面，刚回港朋友提议食潮州粉面，旺角《陈仪兴牛什粉面》位于烟厂街鸿祥大厦地下。好彩早少少嚟到，门口都有人等位。招牌八宝河~八款唔同嘅丸，鱼蛋角、鱼丸、贡丸、墨丸、猪肉丸、虾条、八爪鱼丸及鱼皮饺，爽口弹牙，河粉软滑美味。叫咗个限量供应嘅沙瓜(伞肚)河~食落有少少似猪肚，其实系牛肚嘅其中一个部位，爽口一啲都唔韧，够淋一咬就开，味道更胜猪肚。$20跟餐油菜或炸鱼皮及饮品，生菜/菜心/通菜~通菜够嫩绿。炸鱼皮~香口爽脆，十分香口。冷热饮品一样价钱，加$2试咗个事头婆凉茶，五花茶~味道唔会太甜，自家制有益凉茶，不错呢。粉面店仲有港式蛋卷，朋友买咗盒试试，牛油味蛋味够，香脆可口。