吃茶三千 (已結業)

估唔到台式饮品都可以咁讲究！吃茶三千从茶种、调味同配料都一丝不苟，客人可以自由配搭，亦可以参考热销款式既清单。饮品嘅甜度亦配合香港人健康嘅生活方式，「完美」甜度其实系出面嘅7成。萃茶师推介凤眉红茶，冻顶乌龙同决明子红乌龙三种茶底最适合调制奶类饮品。至于松针绿茶、水仙桂花同玉露青茶比较适合作为水果茶既茶底。饮品即叫即整，连茶底都系现萃，所以等待时间会耐少少🤏。萃茶机同咖啡机有少少相似，俾我感觉非常专业，相信萃茶机价值不菲🤣- 国王珍珠奶茶茶底：冻顶乌龙调味：特浓牛乳加料：国王珍珠奶茶用乌龙冲调而成，茶味非常醇厚。特浓牛乳同乌龙融合得宜，奶香味十足，而且令奶茶更富润柔滑。国王珍珠烟韧口感当然不在话下，更特别嘅系珍珠嘅size系入面嘅1.5倍，令人更加满足😚- 水仙桂花蜜茶底：水仙桂花调味：百花香蜜茶底清香带回甘，加左蜂蜜有一种清甜既感觉，女友非常钟意佢既清新淡雅，果然系热销款式之一。每一个饮品杯上都会挂上麻绳，令客人方便携带👍🏻