和処 酒肴 (已結業)

我好少食omakase, 因为我钟意食既鱼唔多，成日觉得食omakase好浪费钱。但系今次试完真系不同凡响，原来寿司可以做到咁出神入化既。我同老公叫埋同一个set, 一开始系9道头盘。哇～超靓，好精美，师父会详细介绍每一道菜；全部我都觉得好好食，好开胃。之后刺身有䲞鱼、𫠒红鱼同蚝。我第一次食呢d鱼，原来都好鲜甜，好好味。不过个蚝我最深刻，蚝味重到不得了，肉身又脆口。之后有个海鲜锡纸烧。虽然佢系烧物，但系唔会太浓味，食得番d海鲜既鲜味。唔错到左寿司，师父安排左油甘鱼、牛尾鱼、黑曹以、石鲷、绿侧、北寄贝、金目鲷同三文鱼子加海胆。完全改变我对寿司既睇法，每件鱼同寿司饭溶为一体，每件都有唔同既质感同鲜味。寿司由淡味到浓味，非常细心。完左寿司就食左个咖哩饭，佢加左黄梅酱，酸酸甜甜加埋惹味既咖哩，好特别，我几钟意。呢一次omakase真系令我大开眼界，原来omakase食既野系咁全面！样样都好好食！