For Single

营业中

休息中

For Single专注于一种咖啡豆，利用烘焙嘅深浅度+冲咖啡嘅方法，带出咖啡豆唔同嘅香味甜味。今期系BOLIVIA FINCA AlASITAS，但我唔识咖啡豆，所以👉🏻👈🏻装修以木系为主，有啤酒饮，又有酒吧位坐，可以眼金金睇住店员冲咖啡，又或者可以坐喺门口嘅高凳打个卡。*Eggado bagel with salad on side $88我期望极高，但系佢极为普通。炒蛋唔系嫩滑，但又唔系干；牛油果未够熟，有啲硬。Bagel烟韧，但偏干又冇麦香，系少失望嘅😢好在沙律菜够新鲜够多。Homemade Basque burnt cheesecake $58我见食评冇乜人食，我少少惊会中伏。果然我有预知能力！比起似巴斯克芝士蛋糕，佢似纽约芝士蛋糕，冇burnt嘅焦香味，而且质地唔够顺滑。 Caffe latte $58价钱略贵，但高质！个人觉得系半nutty半fruity嘅味道，几特别，而且奶泡打得细致，混合得好好。Cold brew $68同latte一样系同一只豆，但用cold brew嘅方法，令咖啡酸味比较重，而且够晒冻。