Forever 友緣西餐 (已結業)

听朋友讲呢间Pizza落足料，劲多芝士，岩晒我呢个芝士控，所以决定入元朗试一试佢。餐汤系海鲜忌廉汤，有原只鱿鱼仔，蟹柳，虾，薯仔粒。咁足料真系好鲜甜，仲有淡淡忌廉香味，好味哗～～～～～你睇下，边拎边流晒芝士出黎，朋友果然无点我，好多芝士😍饼底松脆，菠萝，辣肉肠，蘑菇，芝士，虽然唔系咩特别既pizza，但就食极唔厌，加上重芝士，真系岩晒我地芝士控😆肉眼扒，火候控制得岩岩好，唔会过老，切开仲有少少粉红色，好淋身。香蒜包糠焗扇贝，好鲜甜，唔会干晒，仲好juicy。配上香蒜包糠脆脆地，好香口。仲叫左两杯野饮添。