三ステーキ

营业中

休息中

今日难得平日唔使返工， 同老公去排三拍子牛扒，其实一早已经想食好耐，不过两次次去排队都食唔到因为真系太多人等啦。 今日好好彩，净系排咗半个钟就已经入到去坐，虽然大热天时去等位但系我都觉得系值得嘅，因为真系好好食。佢系参考日本嘅牛扒屋形式喺出面买飞。然后就再入去食嘅。佢大部分都系200 gram或者300 gram嘅牛扒可以畀你拣，咁有三种唔同嘅选择。我就拣咗76蚊嘅180 gram三拍子牛扒。入面嘅沙律同埋汤同饭都系任食嘅76蚊嘅价钱已经包咗唔使另外加钱同加一牛肉汤有牛肉碎好好饮食沙律同埋饮汤都已经爆咗一半。好期待佢个牛扒。因为我哋太得闲所以就喺度望下佢个食法系点。原来佢系全部煮到一成熟，然后再放落个热力石板去等客人自己调配熟既level. 未食过咁好食嘅牛扒系76蚊嘅价钱仲要系沙律汤同埋饭都系任食，好抵食一定会再黎过。