寶泰船麵

营业中

休息中

食左个最丰富既珍宝泰船面，啲配料相当之多💯有猪肉片、猪膶、猪肉丸、牛丸、蝴蝶腩、鸡翼槌、通菜，系多到食极都有既感觉😂 炸猪皮系好脆口，浸一浸汤食又得！面类选择有鸭蛋面、金边粉、米粉，个人就钟意配金边粉，好似正宗啲，又够晒索汤😛讲埋汤底先，汤头浓郁，配上大量芫荽、九层塔，味道有层次🤤另一碗叫咗特浓冬阴功汤面配米粉，个汤底对我哋嚟讲啱啱好，唔会太辣，可以成个汤饮晒🤣午市套餐仲可以加配小食、饮品。曼谷街头炸鸡翼炸得好香口泰式酸辣凤爪就好啱夏天食，酸酸甜甜好开胃😍饮品要咗斑斓香茅茶、话梅青柠茶，都几有特色，特别钟意斑斓香茅茶，香茅味好出，味道清甜。🔸珍宝泰船面🔸特浓冬阴功汤面🔸曼谷街头炸鸡翼🔸泰式酸辣凤爪🔸斑斓香茅茶🔸话梅青柠茶📍#宝泰船面 (#旺角美食)#旺角 广华街8号地舖