興發麵家

营业中

休息中

呢间小店铺头门口细小，行得快随时睇唔到！铺内有10张枱，全部贴墙而放，每张枱只可坐3个人，坐满都系得30个顾客。首先叫咗个猪手捞面，但老板整咗猪手汤面，算啦，都系猪手啫无问题。猪手冧，幼面爽。期间见到老板娘用完牙线无洗手就去煮面畀客人，有啲唔卫生㖞。而老板就每次都有先洗手再埋炉头煮面，要畀个赞。终于等到老板出来，即系叫多个云吞河。云吞中规中矩，河粉就一般，都系面底好食啲。不过，以呢个价钱嚟讲，其实唔差喇。