木槿花韓牛專門店 (已結業)

食肉兽表示收到风有韩牛专门店好兴奋，就冲去食了！平时系某烧肉店都有见过下韩牛出没，但好似就无乜去过一间系专食韩牛既餐厅。今次都带点小期待，就系系中环同上环既中间，Soho区附近，都吾算太难揾。去到就发现系分左两层的，个feel都几整齐干净，一睇都吾觉系一间烧肉店，直至抽风筒拉底同开左炉先有啲感觉。我地拣左二人套餐，入面都包左好多野，汤、沙律、头盘、三款韩牛、饭、焖牛肋骨、甜品，都只系$688两人。饱肚又可以食到韩牛，一举二得！汤我拣左招牌既雪浓汤，好浓牛味既清汤！薄薄既牛肉片都几腍，牛味系口腔散发出泥。仲配沙律，开一开胃。之后就上生拌韩牛，即是牛肉他他。同蛋拌埋一齐，再加入梨片。生牛肉食落既口感其实几似鱿鱼个种有少少嚼口既感觉，都不错。之后就开始烧韩牛啦，三款韩牛！分别系后腿底板肉、肉眼、半白肉。由左烧到右边，先食后腿底板肉，油脂系其中最多既，所以食落就比较腍身！肉眼既肉实一啲，牛香重啲！仲可以配生菜，清新一点！之后就烧半白肉，感觉好似火锅食个种牛白肉既概念，一半系脂肪一半系牛肉。薄薄一片，烧到脂肪部分干身变得爽口，有咬口！之后就系热食—焖牛肋骨，偷边仲有啲萝卜蔬菜甘，焖到好腍好入味！