The Salted Pig (MegaBox)

营业中

休息中

圣诞大餐嚟啦😆🎄平时全家好少食西餐，但有一样野佢每次系任何餐厅餐牌见到都一定叫，就系德国猪手🐷‼️试过无数咁多间之后，最念念不忘嘅都系the salted pig脆皮烤咸猪手🐷系餐厅最最最推介嘅经典菜式，份量超级多！！猪手皮脆肉嫩，个皮好酥脆，一啲都唔会硬。入面嘅肉仲系好Juicy、软滑，带点点咸香，但唔会死咸。炸嘅时间同调味都岩岩好，真系好难得母配菜仲有烤到香脆连皮嘅薯仔同酸菜等，就算食多几旧肉都唔会腻。同埋，佢哋既儿童餐系一啲都唔hea，好多选择仲配埋雪糕同果汁。我哋拣咗迷你汉堡，劲足料块牛肉好厚。小朋友食得好开心，店员仲拎啲画笔同图画俾佢哋髹颜色💕💕圣诞节佢哋仲推出左限定节日菜：香煎三黄鸡、法式红酒炖和牛面颊肉、歌剧蛋糕等等。不过今次太饱，圣诞节再黎食过💕💕餐牌会供应至农历新年完为止。