甜椰坊自家制甜品專門店 (已結業)

之前已经嚟过一次甜椰坊，first time就系为咗专门嚟试下椰子味嘅甜品，就觉得佢地拿椰青整出嚟嘅甜品口感好新奇特别，冰冰凉凉嘅感觉都唔错，后嚟我翻屋企霖住都买个椰子翻嚟试住整，发觉系根本整唔出人地果种味道嘎 所以带住两个姊妹，又过嚟食一次啦！！menu上边嘅甜品价位都唔算好贵，而且有好多品种可以拣，最后我地三个点咗一份海底椰炖鲜奶、一份香蕉船同埋燕窝甜椰。海底椰炖鲜奶，椰子嘅味道同鲜奶嘅味道好好咁融为一体，鲜奶有好浓郁嘅椰香味，不过成碗甜品嘅味道就比较偏甜。 香蕉船，味道一般，同其他甜品店嘅香蕉船味道差唔多，都系觉得嚟呢度要食翻佢主打歌椰子味甜品先会觉得物有所值。不过香蕉船嘅份量都算几大，我地三个人都食唔晒~~~燕窝甜椰，个甜品系拿椰子壳装住嘅，虽然个椰子壳比较细，可能一两羹就可以食完，不过入面嘅燕窝都算多啦，口感都算细滑，椰子嘅甜味适中。