千里屋食堂 (已結業)

本来想食隔离间日本野不过见好多人等唔想排，咁岩见到呢间新开，专食日本牛，就入去试下啦。店入面好新，好似日式连锁既格局，唔算好大但坐得都几舒服。熟成黑牛丼$159用左300克安格斯牛翼板肉，搭到好似山咁高，成10几块净系食肉都饱。牛肉煎到7成熟，岩岩好无血水既状态，好滑溜好软熟，个酱汁都好重牛肉味但都几甜同重黑椒味，送饭几好，但送牛就有d盖过牛既味。浪漫牛shabushabu $380个餐有3款韩式前菜，但其实味道偏甜同淡，似日式前菜多d，仲有野菜，豚肉，乌冬同鹿儿岛县和牛。煲入面其实已经满晒野菜，但额外仲有d娃娃菜同菇，分量好多，蔬菜好新鲜，个餐都几健康既。三层豚肉比较肥，味道较淡。和牛雪花分布几靓，入口即溶，牛味浓得黎好顺滑。埋单600蚊左右，唔算平但话晒都和手，质素ok，如果食丼会抵d。