Joō de Rolls (已結業)

之前经过呢间店，一直比佢哋装修吸引，好想来一试。好姊妹今日终于陪左我来一圆心愿。一入门就见到尽头有一个好靓的挂画。而旁边亦有唔少插画。我哋好好彩坐到吧枱位置。一坐低即刻比呢啲小摆设吸引，系咪好熟口面呢？童年回忆即刻返晒黎，呢件衫仔系细个玩换衫公仔常常会见到的配件。一见到呢条裙，我同朋友即刻鸡啄唔断讲起童年往事。斋睇已经令我哋好兴奋，但都要食嘢的。呢度的食物以甜品为主，切合返主题麻！甜品当中佢哋主打Churros，即系西班牙油炸鬼。我地点左两杯嘢饮同两款甜品。我𠮶杯系薰衣草冻饮，薰衣草干好衬呢条紫色裙。卖相确系一流，杯面仲有少少棉花糖配衬。朋友的芒果奶昔相对较为沉实，但味道就好好饮好Fresh。呢个Churros同我哋平时食开的有少少唔一样，比较长。我钟意佢的质感偏松脆，而且亦唔算非常之甜。旁边𠮶杯香芋雪糕又系令我哋童年回忆涌现的元素。呢个芭菲杯好够特色，首先有两种生果，雪糕忌廉等等都配合得唔错。以呢个Churros佢冇加上砂糖，反而系加左一层士多啤梨味的朱古力酱，系比较新颖的食法。而我哋都好满意。