鮨竜 (已結業)

系近年大家都可能会对Omakasa 有所看淡，今次想系屋企附近食餐生日饭，老婆做咗功课最后选择左鮨竜。入去都系本住试一试唔得就冇下次既心态。一开始食蒸蛋已经觉得唔错，味道自然舒服。之后系过程中总厨都有详细介绍自己嘅出品，如果你问多少少佢又会解答多少少。系介绍中知道所有汁酱甜品都系自家用时间去做。每道寿司或者系前菜都用唔同酱汁配搭出唔同层次味道，而系日本料理里面最重要嘅饭亦系令我好满意！总厨做出嚟嘅寿司饭夹落唔会散但食落依然有空气感放入口就会松开，饭粒口感烟韧，总厨话佢用咗五种米做。何想言之佢系有几痴线。成个menu有起有落完全冇闷场。亦唔会令你食到好油腻饱滞。最后因为生日既关系仲有特别惊喜！成餐饭既体验绝对系对得住个价钱有多！今次系鮨竜食既一餐，我见到总厨Nic对自己出品同手艺既自信，要求同尊重！佢都好留意客人嘅举动同感受。而餐厅服务亦非常有礼细心，唔会令你唔自在。所以系绝对推介俾大家。