K Square 4 Restaurant and Bar (已結業)

是日收工到旺角寻找美食，行咗阵朋友就话去食饭，喺朗豪坊附近就随便search 下有咩食啦！最紧要唔洗行太远！于是揾咗呢间酒吧餐厅！呢间餐厅情调不错，冇一般酒吧嘅烟酒味，反而干净企理，座得舒服！睇睇menu ... 有二人晚餐，选择都有几多，就唔好烦啦叫个二人晚餐，同朋友一人拣一个主菜就搞掂，哈哈 唔洗谂咁多！头盘有几款，想食d特别d嘅，所以拣左三文鱼他他千层！卖相不错，烟三文鱼混合洋葱加上他他酱，好fresh , 底层配上多士，口感十足令人开胃！主菜拣左火焰铁板烤鸡同墨鱼汁海鲜意大利饭！先讲下火焰铁板烤鸡，哗。。。真系好有睇头，坚有火焰！烧到有一阵阵香味！ 正当研究点切时，店员主动问需唔需要帮手切，哈哈 咁我地当然求之不得！只鸡烧到好有肉汁唔会好干身，皮脆肉嫩，不错！而墨鱼汁海鲜饭份量大，差点食唔唒，本人好怕青口腥，但呢个海鲜饭嘅海鲜煮得唔错，一啲都唔腥，应该系海鲜颇为新鲜！最后，要食埋甜品先够圆满，所以加多$38 食铁板冰火朱古力软饼！其实真系几有趣，铁板好热而且布满朱古力酱，朱古力蛋糕上有雪糕，食落去先冰后火，有啲似食紧心太软，女人真系离不开甜品！好满足！