吞POT 雞煲火鍋.住家菜

营业中

休息中

星期三放工紧系要叹下，想坐得舒服又食得过瘾，首选吞POT，虽然有少少贵，但系胜在物有所值，又唔惊俾人赶走~上次食过猪肚鸡，今次就食麻辣重庆鸡煲($178)，可以话系非常惹味，用咗洋葱同辣椒一齐炒，配料唔多但系已经够哂入味，辣味愈煲愈入味。虽然唔识分新鲜鸡定急冻鸡。但系鸡肉都非常鲜甜。食得七七八八就可以加水打边炉。自制爆芝响铃($75/6件)，层层响铃包住厚厚嘅流心芝士，非常邪恶，因戚系即炸，所以要快啲食，唔系嘅话就会冇哂口感。十全大宝丸($158)，粒粒都系手打，爽滑弹牙，入面嘅馅料都非常高档又丰富，而且创意衬搭满分，物有所值啦。