黃枝記 (已結業)

早两日在电视上睇到一个重播饮食节目，介绍粤、港、澳既竹升面，好吸引！留意片尾发现有黄枝记。由于祖籍广东既关系，从小对云吞面情有独钟，听讲黄枝记由澳门开到香港，今日经过铜锣湾，一于寻味。位于谢斐道维安商业中心一、二楼，由于没有地舖既关系，来到门口有接待处同醒目既餐牌。宽阔光猛既楼梯，前面两位伯伯、婆婆行得比我仲快。店面予人舒适既感觉，没有一般旧式云吞面铺既迫挟和焗热。店员热情招呼坐下，好快送上一杯热茶，睇下餐牌有好多不同既选择。首选云吞、虾子捞面，送油菜。传统幼面爽口弹牙，蛋味唔算太浓，但加入虾子捞匀后，味道提升！好味！云吞皮薄馅靓，内里虾仁鲜味爽脆！士多啤梨咕噜肉，本人自小喜爱咕噜肉，都想试试加入士多啤梨的味道如何。卖相已极吸引，外皮香脆，肉质带爽，听店员介绍原来是用左猪颈肉来做，而酸甜汁带淡淡既士多啤梨味都算清新，如果再浓一点可能更好。炸鲮鱼球，太好味！食完两粒至记得影相，通常我都系试左原味先，外皮薄薄香脆 ，鲮鱼肉味十足，点上蚬蚧酱既咸香，令味道更丰富！