BTS美食站

营业中

休息中

今日又去咗食泰国嘢必去嘅九龙城👍🏻 同几个朋友食 除非一早去到如果唔系记得提早订位 真系好多人食㗎！呢间我觉得份量几多 价钱又合理，而且味道又正宗。鲜虾炒金边粉有三大只虾🦐🦐🦐 酸酸甜甜咁 虽然系饱肚主食但系都几开胃。生菜包嘅份量好大，生菜都俾得好够，可以食到最尾。泰式酸辣凤爪已经去咗骨 满满嘅骨胶原好好食。另外呢个见到好多人点，炸软壳蟹咖喱农夫包.. 一大个包上面满满嘅咖喱，侧边仲有好多炸软壳蟹。个包沾满咖喱汁真系好好食。另外叫咗芝士虾丸🦐🧀 粒粒都有乒乓波咁大，两个人share一粒都好够食。不过留意番餐厅用餐时间只有90分钟，而且出面仲有好多人排队 真系人齐先可以入座。